Rvk Ritual Meðgöngujóga -28. nóv

Nýtt námskeið af Rvk Ritual Meðgöngujóga hefst 28. nóv

Hægt er að skrá sig í mánuð í senn eða 3 mánuði (hagstæðast)

Tímar á þriðjudaga og fimmtudaga kl 16:20-17:20.
AUK þess færðu aðgang að net fræðslu online tímum um heilnæma fæðingu og meðgöngu.

Í meðgöngujóga hjá Rvk Ritual leggjum við áherslu á líkamlega og andlega vellíðan og að skapa fallegt samfélag á meðgöngu. Við einblínum á undirbúning og sjálfstyrkingu fyrir fæðingu og á foreldrahlutverkið sjálft enda vitum við að djúp öndun, réttar æfingar og góð slökun er einn mikilvægasti undirbúningur fyrir þessa hluti.

UM KENNARANA: Kennarar í rvk ritual meðgöngujóga eru Eva Dögg Rúnarsdóttir og Halla Hákonardóttir

Eva Dögg er annar stofnandi rvk ritual, lærður kundalini yoga kennari og vinyasa kennari. Hún er einnig fatahönnuður og þriggja barna móðir sem þekkir það vel á eigin skinni hvað jóga, hugleiðsla og öndun getur haft mikil áhrif í fæðingu. Hún hefur kennt meðgöngu og mömmujóga um árabil og elskar ekkert meira.

Halla Hákonardóttir er lærður nuddari, jógakennari og vatnsmeðferðaraðili. Halla er með kennararéttindi í RA vinyasa jóga frá Radiantly alive á Balí, Jóga Nidra level 1&2 frá Amrit yoga institute og kundalini joga frá Jógasetrinu. Auk þess hefur hún sótt sér hin ýmsu námskeið til að dýpka eigin ástundun og þekkingu sína í fræðunum. Halla vinnur sem nuddari hjá eigin fyrirtæki SUKHA RITUAL og einnig hjá Flothettu sem flotmeðferðaraðili. Hún hefur sótt námskeið í gong, reiki heilun og thai jóga nuddi. Sem jógakennari leggur Halla áherslu á líkamlega meðvitund, frelsi í hreyfingu og djúpa tengingu við andardráttinn.

Aðal áherslan í stúdíó tímunum er öndun, teygjur, blíð hreyfing, styrkjandi æfingar, hugleiðsla & slökun. Áherslan í net tímunum er fræðsla um heilnæma meðgöngu og fæðingarundirbúningur.

Jóga stuðlar að betri meðvitund og tengingu við líkamann, tilfinningar okkar og huga. Með reglulegri jógaástundun dýpkar innsæið, öryggi og sjálfstraust eflist. Þegar við stundum jóga á meðgöngu gefum við okkur sjálfum og barninu sem vex innra með okkur alveg sérstaka athygli. Þetta getur orðið til þess að okkur líður almennt betur á meðgöngu og minnkar líkur á hinum ýmsu fylgikvillum eins og verkjum í mjöðmum og baki eða t.d, fótapirringi.

Við mælum með að byrja í meðgöngujóga þegar þú ert tilbúin, gott er að hvíla sig nóg í fyrsta þriðjungi og byrja eftir 12-14 viku. Við mælum með að vera alveg upp að fæðingu. Aldrei of seint að byrja og hægt að byrja hvenær sem er (sendu póst á info@rvkritual.com ef þú vilt koma í prufutíma)

INNIFALIÐ: Aðgangur að lokuðum instagram hóp með fræðsluefni frá kennara sem og einnig er innifalinn aðgangur að RVK RITUAL online membership (fullt af vídjó hugleiðslum, jóga ofl til að gera heima)

VERÐ:

1. mánuður: 19.900 kr

3. mánuðir: 49.900 kr (hagstæðast)

(hægt að fá kvittun fyrir stéttarfélag)

ATH: ef afbókun berst með minni fyrirvara, þ.e. minna en 48 klukkustunda fyrirvara, áður en viðburður á sér stað
er endurgreiðsla ekki í boði en má þá nýta greiðslu sem inneign. Ekki er hægt að fá endurgreitt eða inneign ef afbókun berst eftir að námskeið/viðburður hefst.